Վրաստանում ևս մեկ ընդդիմադիր է դատապարտվել
Թբիլիսիի քաղաքային դատարանն այսօր յոթ ամսվա ազատազրկման է դատապարտել ընդդիմադիր «Գիրչի» կուսակցության առաջնորդ Զուրաբ Ջափարիձեին։
Նա մեղավոր է ճանաչվել խորհրդարանական քննիչ հանձնաժողովի նիստին չներկայանալու համար։ Դատարանը նաև որոշել է Ջափարիձեին երկու տարով զրկել որևէ պետական պաշտոն զբաղեցնելու իրավունքից։
«Գիրչի» կուսակցության առաջնորդը ձերբակալվել էր մայիսի 22-ին դատարանի դահլիճում։