Алматыдан Лондонға бағыт алған ұшақ Атырау әуежайына шұғыл қонды
Алматыдан Лондонға бағыт алған ұшақ Атырау әуежайына шұғыл қонды, - деп хабарлайды Tengrinews.kz тілшісі Atyrau Online сайтына сілтеме жасап.
"Air Astana" әуекомпаниясының Алматы-Лондон бағыты бойынша ұшқан ұшағы Атырау халықаралық әуежайына қонуға мәжбүр болды", – делінген хабарламада.
Әуекомпания мұның себебін түсіндірді.
"Air Astana" компаниясының бүгінгі KC663 рейсі (Алматы–Лондон) қарсы желге байланысты жүктеме шектеулерінің алдын алу үшін Атырауға қосымша қонып, жанармай құйып алды", – деп хабарлады әуе компаниясының баспасөз қызметі.
Еске сала кетейік, 22 маусымда, Жоламан аэродромы маңында жеке ұшақ апатқа ұшырап, екі адам қаза тапты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!