რუსეთის არმიამ უკრაინის რამდენიმე რეგიონი დაბომბა

უკრაინული მედიის ინფორმაციით რუსეთმა შაბათ დილით დონეცკის, ოდესის, ხერსონისა და პოლტავის რეგიონები დაბომბა.

ხერსონში რუსეთის არმიამ ცეცხლი გაუხსნა სოციალურ ინფრასტრუქტურას და საცხოვრებელ რაიონებს. დაზიანდა ორი კორპუსი და 14 კერძო სახლი. დაშავდა შვიდი ადამიანი.

უკრაინული მედის ცნობით მიმდინარეობდა მასიური კომბინირებული შეტევა პოლტავის ოლქის ქალაქ კრემენჩუკზე. ოდესას რუსეთის უპილოტო საფრენი აპარატები ესხმოდნენ თავს.

უკრაინის პრეზიდენტმა, ვოლოდიმირ ზელენსკიმ პარასკევს ვიდეომიმართვაში განაცხადა, რომ რუსებს სუმის ოლქის მიმართ რამდენიმე "გიჟური" გეგმა ჰქონდათ, თუმცა უკრაინის ძალები მათ შეკავებას ახერხებენ. "რუსეთს ბრძოლა სურს. ეს ნიშნავს, რომ ისინი ჯერ კიდევ ვერ გრძნობენ მსოფლიოს მიერ მათზე განხორციელებული ზეწოლის ტკივილს - ან ძალიან ცდილობენ, რომ თავი მოიჩვენონ, თითქოს არ გრძნობენ ამას. რუსეთის ეკონომიკა უარესდება - მოდით, კიდევ უფრო მეტად შევუწყოთ ხელი ამ პროცესს", - განაცხადა ზელენსკიმ.