Ўзбекистонда 4 ва ундан ортиқ фарзандли оилалар кўпаяпти

Ўзбекистонда 2025 йил январь–май ойларида тўрт ва ундан ортиқ бола тарбиялаётган оилалар сони сезиларли даражада ошган. Бу ҳақда upl.uz Давлат статистика қўмитаси маълумотларига таяниб хабар берди.

Расмий рақамларга кўра, 2025 йилнинг биринчи беш ойи ҳолатига кўп болали оилалар улуши 8,5% ни ташкил этган.

Солиштирув учун, сўнгги йиллардаги ҳолат қуйидагича бўлган:

• 2010 йил — 7,6%
• 2015 йил — 7,9%
• 2020 йил — 7,2%
• 2024 йил — 7,3%
• 2025 йил (январь–май) — 8,5%

Бу кўрсаткич мамлакатда демография ва оила сиёсатидаги ўзгаришлар ҳамда кўп болали оилаларни қўллаб-қувватлаш сиёсатининг самарасини кўрсатади.