Full stopp i togtrafikken på Bergensbanen – jobbar med å skaffa nok bussar
Onsdag morgon er det stengt for togtrafikk på strekninga Evanger-Dale, melder Vy.
Dette skuldast feil på sporet og Bane Nor jobbar med å retta feilen.
– Det er teknisk feil på ei bru. Det er all informasjonen eg har per no. Men me jobbar for å retta feilen, opplyser pressevakta i Bane Nor rett før klokka 06.00.
Det er varsla ny informasjon klokka 10.00.
Stenginga råkar fleire avgangar og framkomstar til og frå Bergen. Mellom anna er toget til Oslo S, som skulle gått 06.21, innstilt.Vy jobbar no med å skaffa nok bussar.