“Барселона” янги дарвозабон билан беш йиллик шартнома имзолаш арафасида
Маълумотларга кўра, “Барса” клуби 24 ёшли дарвозабоннинг товон пулини тўлиқ тўлаб, трансферни якунлаш учун сўнгги расмийлаштириш жараёнларини амалга оширмоқда. Инсайдер манбаларнинг таъкидлашича, барча шартлар келишилган ва ҳужжатлар тайёр. Энди Хуан Гарсия яқин соатларда ёки кунларда расман “Барселона” футболчисига айланиши кутилмоқда.
Ёш ва иқтидорли голкипер “Барселона” билан беш йиллик шартнома имзолайди ва клубнинг янги мавсумдаги асосий режаларида муҳим роль ўйнаши кутилаяпти. Каталониялик мухлислар эса янги посбондан катта умид қилмоқда. Гарсиянинг профессионал фаолияти, реакцияси ва позиция танлашдаги маҳоратлари Европа футболида алоҳида эътироф этилган.
“Барселона” раҳбарияти ушбу трансфер орқали жамоа ишончини янада ошириш ва мухлисларга янги мавсумда кутилган натижаларни тақдим этишни ният қилган. Янги мавсум арафасида “камп ноу” мухлислари янги қаҳрамонларни ўз сафига қабул қилишга тайёр.