ՄԱԿ-ի համաժողովի շրջանակում հանդիպել են ՀՀ և Ֆրանսիայի ԱԳ նախարարները
Նիցցայում ընթացող ՄԱԿ-ի՝ օվկիանոսների հարցերով համաժողովի (UNOC3) շրջանակում Հայաստանի արտգործնախարար Արարատ Միրզոյանը հանդիպել է իր ֆրանսիացի գործընկեր Ժան-Նոել Բարոյի հետ:
«Ուրախ եմ տեսնել իմ լավ գործընկերոջն ու բարեկամին՝ Ժան-Նոել Բարոյին, այս անգամ Նիցցայում՝ UNOC3-ի շրջանակներում։ Մեր ակտիվ ներգրավվածությունը բազմակողմ հարթակներում, այդ թվում՝ ՄԱԿ-ում, հարստացնում է մեր օրակարգը և հաջողության գրավական է մեր առաջնահերթությունների իրականացման գործում, ինչպիսին է հաջորդ տարի Հայաստանում անցկացվելիք COP17-ը»,- գրել է Միրզոյանը X-ի իր էջում։
The post ՄԱԿ-ի համաժողովի շրջանակում հանդիպել են ՀՀ և Ֆրանսիայի ԱԳ նախարարները first appeared on MediaLab Newsroom-Laboratory.