Россияда миллий мессенжер яратилади
Унинг сўзларига кўра, янги мессенжер нафақат шахсий мулоқот учун, балки давлат хизматлари, ҳукумат ва идоралар билан боғланиш, рақамли ҳужжатлардан фойдаланиш учун ҳам мўлжалланган бўлади.
Платформа очиқ архитектура асосида ишлайди — бу турли соҳа ва хизматлар, жумладан, шифохоналар, ижара хизматлари ва етук етказиб бериш тизимларини улаш имконини беради.
Рўйхатдан ўтиш учун паспорт талаб этилмайди. Телефон рақами асосида оддий авторизация етарли бўлади. “Госуслуги” орқали авторизация ихтиёрий бўлиб, кенгайтирилган функциялар учун керак бўлади. Мессенжерда виртуал ёки сохта рақамлардан фойдаланиш чекланади.
Шу ҳолатда Россия ўзининг WeChat’ини яратишни мақсад қилгани қайд этилмоқда. Бу Хитойда деярли барча маиший ва давлат хизматлари учун ишлатиладиган иловадир.
Хозирча бу мессенжер бутунлай янги дастурми ёки VK MAX асосида яратилган лойиҳамиканлиги аниқ эмас. Мессенжер 2025 йил ёзида тақдим этилиши режалаштирилган.