«Газпром» Ўзбекистонга газ етказиб беришни тўрт бараварга оширди

2024 йилда Россиянинг «Газпром» компанияси Ўзбекистонга табиий газ экспорт ҳажмини 4,4 баробарга ошириб, 5,64 миллиард куб метрга етказди. Бу ҳақда компаниянинг йиллик ҳисоботида маълум қилинди, деб Kursiv Uzbekistan хабар берди.

2023 йилда бу кўрсаткич 1,28 миллиард куб метрни ташкил этган эди. Яъни, бир йил ичида экспорт ҳажми 4,36 миллиард куб метрга ёки 340,6 фоизга ошган.

Газ етказиб бериш 2023 йил октябрда бошланган бўлиб, «Ўрта Осиё – Марказ» магистрал газ қувурлари тизими орқали реверс режимда амалга оширилган. Қишки мавсумда етказиб бериш техник жиҳатдан энг юқори даражада амалга оширилган.

«Газпром» ҳисоботида Ўзбекистон, Қозоғистон ва Хитой 2024 йилда газ етказиб бериш ҳажмининг энг катта ўсишини кўрсатган учта давлат сифатида қайд этилган.

Компания, шунингдек, Марказий Осиё давлатлари билан газ соҳасидаги ҳамкорликни кенгайтириш минтақанинг узоқ муддатли барқарор иқтисодий ўсишига ҳисса қўшишини таъкидлаган.