Қозоғистон ва Буюк Британия ҳарбий ҳамкорлик бўйича келишувга эришди
Ҳужжат Лондонда имзоланган бўлиб, унда тинчликпарварлик фаолияти, тил ўрганиш ва қозоғистонлик ҳарбий хизматчиларни Буюк Британиянинг олий ҳарбий таълим муассасаларида ўқитиш каби соҳаларда ҳамкорлик кўзда тутилган.
Бундан ташқари, томонлар ҳамкорликни кенгайтириш истиқболлари ва минтақавий хавфсизлик масалалари юзасидан фикр алмашдилар.
2024 йил апрель ойида Қозоғистон ва Буюк Британия ташқи ишлар вазирлари стратегик шериклик тўғрисидаги келишувни имзолаган эдилар. Ушбу келишув доирасида Лондон Марказий Осиёдаги лойиҳаларни ривожлантириш учун 50 миллион фунт стерлинг (67,5 миллион доллар) ажратган.