ოთხამდე გაიზარდა კიევზე რუსული რაკეტებით და დრონებით შეტევის შედეგად დაღუპულთა რიცხვი
უკრაინის დედაქალაქ კიევზე რუსული რაკეტებით და დრონებით შეტევის შედეგად 4 ადამიანი დაიღუპა. ამის შესახებ დილის რვის ნახევრისთვის ტელეგრამზე დაწერა კიევს მერმა, ვიტალი კლიჩკომ. მანამდე დადასტურებული იყო, რომ დაიღუპა 1 და დაშავდა 20 ადამიანი.
კლიჩკოს ინფორმაციით, კიევის რამდენიმე რაიონში სამძებრო-სამაშველო ოპერაცია გრძელდება.
რუსეთის ჯარებმა უპილოტო საფრენი აპარატებით და რაკეტებით კიევზე შეტევა 6 ივნისს, შუაღამის შემდეგ დაიწყეს.
ადგილობრივი ხელისუფლების ინფორმაციით, ხანძრები გაჩნდა საცხოვრებელ და არასაცხოვრებელ ზონებში. დაზიანებულია მეტროს ლიანდაგი. კიევის ნაწილს ელექტროენერგიის მიწოდება შეუწყდა.