БАА – Ўзбекистон: тарихий баҳсга таркиб эълон қилинди
“А” гуруҳи доирасидаги бу 9-тур учрашуви Ўзбекистон учун жуда катта аҳамиятга эга. Дуранг ёки ғалаба — бу Жаҳон чемпионати йўлланмаси демакдир. Шу боис майдондаги ҳар бир ҳаракат, ҳар бир қарор тарихий мазмунга эга бўлади.
Беллашувни элита даражасидаги ҳакамлар бошқаради
Учрашувда адолатни таъминлаш вазифаси Австралиялик элита ҳакамлар бригадаси зиммасига юклатилган:
Бош ҳакам: Шон Эванс
Қанот ҳакамлари: Жорж Лакриндис, Оуэн Голдрик
Тўртинчи ҳакам: Жонатан Баррейро
VARда: Александр Кинг
Австралия футбол уюшмасининг тажрибали ва халқаро тан олинган ҳакамлари беллашувнинг юқори савияда ўтишига кафолат бўлади.
Ўзбекистон терма жамоасининг асосий таркиби:
Дарвозабон: 1. Ўткир Юсупов
Ҳимоячилар: 2. Абдуқодир Ҳусанов, 3. Ҳожиакбар Алижонов, 4. Фарруҳ Сайфиев, 5. Рустам Ашурматов, 23. Ҳусниддин Алиқулов
Ярим ҳимоячилар: 7. Отабек Шукуров, 9. Одилжон Ҳамробеков, 10. Жалолиддин Машарипов, 11. Остон Ўрунов
Ҳужумчи: 14. Элдор Шомуродов
Бош мураббий: Тимур Кападзе
Захирадаги кучлар:
Таркибда катта салоҳиятга эга, исталган вақтда ўйинга таъсир кўрсата оладиган футболчилар ҳам бор:
Дарвозабонлар: Абдувоҳид Неъматов, Ботирали Эргашев.
Ҳимоя ва ярим ҳимоячилар: Акмал Мозговой, Шерзод Насруллаев, Умар Эшмуродов, Жамшид Искандеров, Абдурауф Бўриев
Ҳужумчи ва универсал ўйинчилар: Абдулла Абдуллаев, Азизбек Турғунбоев, Ҳожимат Эркинов, Аббос Файзуллаев, Игорь Сергеев
Ўзбекистон миллий терма жамоаси бутун халқ, миллионлаб мухлислар ишончи ва орзуси билан Абу-Даби майдонида тарих учун курашади. Бу нафақат ўйин, балки бутун бир авлод интизорлик билан кутган имконият — Жаҳон чемпионати сари йўл.
Ҳозир энг муҳим нарса — бирдамлик, ишонч ва майдонда тинимсиз кураш. Олға, “Оқ бўрилар”!
Йўлланма бизни кутяпти!