Қурбон ҳайит куни Тошкентда 122 масжид атрофида йўллар ёпилади

6 июн куни, Қурбон ҳайит байрамида, Тошкент шаҳридаги 122 та масжид атрофидаги кўчаларда автотранспорт ҳаракати вақтинча чекланади, деб NOVA24 хабар берди. Бу ҳақда шаҳар ИИББ матбуот хизмати маълум қилди.

Маълумотларга кўра, ҳаракат чекловлари байрам намози вақтида — соат 00:00 дан 08:00 гача амал қилади. Йўл ёпилиш ҳолати барча туманларда кузатилади:

. Мирзо Улуғбек тумани: «Тўра Бува» масжиди атрофида
. Олмазор тумани: «Исломобод», «Ҳазрати Имом», «Дўстжонбой» масжидлари яқинида
. Шайхонтоҳур тумани: «Шайх Зайниддин», «Хўжа Аламбардор», «Кўҳ Ота» масжидлари олдида
. Чилонзор тумани: «Новза», «Убай ибн Кааб» масжидлари ҳудудида
. Юнусобод тумани: «Минор» ва «Мирзо Юсуф» масжидлари атрофида
. Бектемир, Учтепа, Сергели, Мирабад, Яшнобод ва Яккасарой туманларидаги масжидларга туташ йўлларда

Шунингдек, намоз ўқиладиган жойларга олиб борувчи бошқа кўчаларда ҳам ҳаракат чекланади. Ҳайдовчиларга олдиндан йўналишни режалаштириш ва айланма йўллардан фойдаланиш тавсия этилади.