Ауыл шаруашылығы министрлігінің бұрынғы шендісі сотталды
Ауыл шаруашылығы министрлігі Кадрлық және әкімшілік қамтамасыз ету департаменті директорының бұрынғы орынбасары сотталды, - деп хабарлайды Tengrinews.kz тілшісі.
Астана қаласының қылмыстық істер жөніндегі ауданаралық соты Ауыл шаруашылығы министрлігінің кадрлық және әкімшілік қамтамасыз ету департаменті директорының бұрынғы орынбасары Б.Жолтайға үкім шығарды.
"Ол үлестес компанияны қызметтік көлікті жөндеуге заңсыз тарту арқылы лауазымдық өкілеттігін асыра пайдаланғаны үшін кінәлі деп танылды, бұл мемлекетке 3,2 млн теңге сомасында залал келтірді", - деп жазылған хабарламада.
Оған мемлекеттік қызметте қызмет атқару құқығынан өмір бойына айыра отырып, 3,4 млн теңге көлемінде айыппұл түріндегі жаза тағайындалды.
Сот актісі заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!