Valdagsmålingar: Lee ligg an til å vinne presidentvalet i Sør-Korea
Stemmelokala i Sør-Korea stengte klokka 13 norsk tid.
Valdagsmålingar viser at den liberale kandidaten Lee Jae-myung ligg an til å vinne valet.
Valdeltakinga har vore på godt over 70 prosent, ifølge nyheitsbyrået Yonhap.
Sør-Korea har vore prega av politisk uro etter at Yoon Suk-yeol i desember prøvde å innføre unntakstilstand, før han blei stilt for riksrett og avsett.
Lee tapte førre val for Yoon med knapp margin.
Han har leia på meiningsmålingane gjennom valkampen, men den konservative Kim Moon-so har knappa inn på forspranget mot slutten.