Qualcomm 18 ядроли Snapdragon X2 Elite чипсетини синамоқда
Маълумотларга кўра, SC8480XP индекси остида синовдан ўтаётган ушбу чип Windows тизимидаги юқори даражали ARM-ноутбуклар учун мўлжалланган.
Квандт таъкидлашича, чипсетнинг энг кучли конфигурацияси 18 ядро ва 64 ГБ оператив хотирага эга бўлади. Шунингдек, чип SiP (System-in-Package) технологиясида яратилади — бу барча асосий компонентлар, жумладан, хотира, бир корпусда жойлаштирилади. Бундай ёндашув Apple Watch каби қурилмаларда қўлланилиб, кейинчалик фойдаланувчи томонидан янгилаш имконини бермайди.
Чипнинг расман тақдим этилиши 23 сентябр куни Snapdragon Summit тадбири доирасида бўлиши кутилмоқда.