Amazfit Helio Strap фитнес-браслети тасвирлари эълон қилинди

Amazfit’нинг янги фитнес-браслети — Helio Strap тасвирлари интернетда пайдо бўлди, деб Rozetked.me манбасига таяниб UPL.uz хабар берди.

AndroidTR нашрига кўра, ушбу фитнес-трекернинг илк расмлари Zepp Health иловасидан олинган. Ускуна аллақачон АҚШнинг Федерал алоқа комиссиясида рўйхатдан ўтган ва уч йиллик дастурий қўллаб-қувватлашга эга бўлади.

Маълум қилинишича, Amazfit Helio Strap қуйидаги хусусиятларга эга:
• Операцион тизим — ZeppOS 4.5
• Функциялар — юрак уришини ва аёллар саломатлигини кузатиш
• Экран — 460×460 пиксел, дисплей матоли тасма остида яширилган

Экран мато остида жойлашган бўлса-да, эҳтимол интерфейс элементлари шундан кўриниб туради ёки браслет фақат соғлиқни кузатишга ихтисослаштирилган бўлиши мумкин.

AndroidTR яқин кунларда Amazfit Helio Strap расман тақдим этилиши мумкинлигини маълум қилган.