Дембеленинг ўткир нигоҳлари ПСЖга тарихий чемпионликни келтирди!
Франциялик 28 ёшли футболчи ўйин давомида ажойиб маҳорати билан барчанинг диққат марказида бўлди. У ўтказган ҳар бир ҳаракати билан жамоасини олдинга бошлади. Айниқса, унинг икки марта ажойиб голли узатмаси стадионга йиғилган мухлисларнинг олқишларига сабаб бўлди.
Аммо Дембеленинг ўйиндаги таъсири фақат узатмалар ва техник ҳаракатлар билан чегараланмади. Унинг ўйин давомидаги тўпга қаратилган ўткир нигоҳлари ҳақиқатан ҳам ўзига хос ҳолат эди. Ҳатто ўйин пайтида туширилган лавҳаларга ҳам эътибор берсангиз, Дембеленинг кўзларида қанчалик жиддийлик ва кескинлик мавжуд эканлигини кўриш мумкин. Шу кескинлик ва ўткирликдан рақиб футболчилар ҳам таъсирланди, улар тўпга эгалик қилган пайтда Дембеленинг бундай жиддий нигоҳларига бардош бера олмади, тўпни йўқотиб қўйди ёки уни бошқа йўналишга тепишга мажбур бўлди.
Мавсум давомида Дембеле умумий ҳисобда 15 ўйинда 8 та гол ва 6 та голли узатма билан ўзининг ажойиб кўрсаткичларини қайд этди. Шунингдек, мусобақа давомида 126,11 километр масофани босиб ўтди ва максимал тезлиги 33,92 км/соатни ташкил этди. Унинг бу кўрсаткичлари ва финал учрашувидаги ажойиб ўйини туфайли Дембеле Чемпионлар лигасининг энг яхши футболчиси деб тан олинди.
Усмон Дембеленинг тарихий финалда кўрсатган ажойиб маҳорати ва ўткир нигоҳлари, шубҳасиз, ПСЖ клубига тарихидаги илк Чемпионлар лигаси кубогини тақдим этди.