Бектемир Мелиқўзиев америкалик рақибини қандай нокдаунга туширди? (видео)
Оқшомнинг марказий жангларидан бири сифатида нишонланган баҳсда Мелиқўзиев мезбонлар шарафини ҳимоя қилган америкалик рақиб — Дарьюс Фулгхэмга қарши рингга чиқди. Ушбу 12 раундлик беллашув том маънода муросасиз ва кескин темпда ўтди. Ҳар икки боксчи ҳам оғир зарбалар, уқувли комбинациялар ва иродали ҳаракатлар билан мухлисларни ҳаяжонга солишди.
Бироқ жангнинг умумий жараёнида Бектемирнинг устунлиги сезилиб турди. У фаол ва аниқ зарбалар билан рақибини енгишга интилиб, тактик жиҳатдан устун бўлиб қолди. Ҳар бир раунддаги ҳаракатлари ҳакамлар томонидан юқори баҳоланди ва якунда судьялар якдил қарорига кўра ғалаба бизнинг чарм қўлқоп устамизга берилди.
Бу ғалаба Мелиқўзиевнинг профессионал рингдаги 17-жанги бўлди ва унда у ўз фаолиятидаги 16-ғалабани қўлга киритди. Бу натижа унинг жаҳон бокс саҳнасида тобора муҳим ўрин эгаллаётганини яна бир бор тасдиқлайди.