Неймар нега айнан “Сантос”га қайтди?
“Неймар билан бу қарорни қабул қилишда асосий мақсад — 'Сантос' билан бирдамлигимизни намойиш этиш эди. Клуб ҳомийлар ва мухлислар эътиборини яна ўзига жалб этиши учун катта юлдуз керак эди — биз айнан шу ролда қайтдик”, — деди футболчи отаси.
Унинг сўзларига кўра, “Сантос” айни пайтда қайта қуриш жараёнини бошдан кечирмоқда ва Неймар бу йўлда уларга елкадош бўлишни истаган.
“Бу жараён дарҳол натижа бермайди. Футболда муваффақиятга эришиш учун вақт ва сабр керак”, — деб қўшимча қилди у.
Демак, Неймарнинг ватанга қайтиши нафақат носталгия, балки клубнинг янги даврини бошлаб беришга қаратилган муҳим қадамлардан биридир.