Темиров УФC билан янги келишувга эришди
Алижоновга кўра, Рамазон Темиров УФC билан навбатдаги 4 та жангни ўз ичига олган шартнома асосида келишувга эришган.
Эслатиб ўтамиз, ҳозирда у ўта енгил вазн тоифасида УФC рейтингида 13-поғонани эгаллаб турибди. Промоушен доирасида ҳозиргача 2 марта октагонга кўтарилган Темиров ҳар иккала жангда ҳам ишончли ғалабага эришган.
Навбатдаги синов эса 27 июл куни Абу-Дабида бўлиб ўтади. Унда у қозоғистонлик Асу Алмабаев билан тўқнаш келади. Бу жанг Темиров учун янги босқич сари муҳим қадам бўлиши мумкин.