Маск: Трамп билан келишмовчилик оғир кечди

Машҳур тадбиркор Илон Маск АҚШ собиқ президенти Доналд Трамп маъмурияти даврида ҳукумат самарадорлиги департаменти (ДОГE) билан ишлашда бир қатор мураккабликларга дуч келганини маълум қилди. Бу ҳақда у CБС Неwс телеканалига берган интервюсида сўз юритди.

"Бу мавзуда интервюда гапириш мен учун бироз қийин, чунки айтган гапларим кўпинча баҳс-мунозараларга сабаб бўлади. Ўзимни гўё деворга суяниб турган одамдек ҳис қилганман: маъмуриятни танқид қилишни истамайман, аммо уларнинг ҳар бир қарори учун жавобгар бўлишга ҳам тайёр эмасман. Бу эса жуда ноқулай ҳолат", — дея фикр билдирди Маск.

Унинг айтишича, Трамп жамоасининг умумий сиёсатини қўллаб-қувватласа-да, айрим масалаларда келишмовчиликлар юзага келган. Хусусан, у президент илгари сурган ҳукумат харажатларини қисқартиришга оид қонун лойиҳасини мисол сифатида тилга олди. Трамп ушбу ҳужжатни “катта ва чиройли қонун” деб таърифлаган.

“Менимча, қонун лойиҳаси катта бўлиши мумкин, чиройли ҳам бўлиши мумкин, лекин айни пайтда иккаласини биргаликда мужассам этиши қийин. Бу — шахсий фикрим”, — деди Маск.

Ҳафта бошида у Х ижтимоий тармоғида махсус давлат маслаҳатчиси сифатидаги вазифаси якунланаётганини эълон қилган, бироқ ДОГE ролининг келажакда янада кучайишига ишонч билдирган.