Alle tog innstilte på Flåmsbana
Flåm–Myrdal er stengd for togtrafikk etter eit steinsprang torsdag ettermiddag. Det blei meldt inn av eit arbeidslag som dreiv med skredsikring i området.
– Eit lokomotiv blei treft av små steinar, men det skal ikkje vera store materielle skadar. Ingen personar er skadde heller, seier Øystein Stavdal Paulsen, som er pressevakt i Bane Nor.
Toget kom seg vidare til Flåm for eiga maskin. Det blir jobba med å retta feilen, ifølgje Bane NOR. Det skal ein geolog til staden for å vurdera om det kan koma meir stein, og kva som eventuelt må gjerast av sikringsarbeid. Det er venta ny oppdatering fredag klokka 21:30.