Туыстарына жер берген: Жамбыл облысында екі әкімге 275 мың теңгеден айыппұл салынды

Жамбыл облысының лауазымды тұлғалары жақын туыстарына жер пайдалану құқығын берген, - деп хабарлайды Tengrinews.kz тілшісі.
2024 жылдың желтоқсан айында Полатқосшы ауылдық округі әкімінің жұбайының анасына 1 жыл мерзімге 0,0692 гектар жер телімі бау-бақша өсіруге берілген. Екі айдан кейін жер телімі коммерциялық мақсаттағы санатқа ауыстырылған.
Қаратөбе ауылдық округі әкімінің әпкесі бау-бақша өсіру үшін 0,1 гектар жер теліміне, сондай-ақ жеке меншікте бұрын жалға алынған 0,0763 гектар жер теліміне құқық алған. Әкім әйелінің әкесіне 0,3500 гектар жер телімін берген.
Жамбыл аудандық сотында мемлекеттік органдар басшыларының сыбайлас жемқорлыққа қарсы іс-қимыл шараларын қолданбауына қатысты екі әкімшілік құқық бұзушылық туралы іс қаралды (ҚР ӘҚБтК-нің 680-бабы). Лауазымды тұлғалар өз кінәларын толық мойындаған.

"Сот оларды ӘҚБтК-нің 680-бабы бойынша кінәлі деп тауып, әрқайсысына 275 мың теңгеден әкімшілік айыппұл салынды".

Қаулылар заңды күшіне енді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!