U-17 Жаҳон чемпионати қуръаси: Ўзбекистонга жиддий рақиблар тўғри келди
Қуръа натижасига кўра, юртдошларимиз “J” гуруҳига тушишди ва бу ерда уларни Парагвай, Панама ва Ирландия каби жиддий рақиблар кутмоқда. Мусобақа олдидан Ўзбекистон 2-саватга жойлаштирилганди, бу эса жамоамизнинг сўнгги йиллардаги яхши натижалари билан боғлиқ.
Мусобақа 2025 йилнинг 3 ноябридан 27 ноябрига қадар Қатарда бўлиб ўтади. Чемпионатда жами 48 жамоа 12 гуруҳга ажратилади. Ҳар бир гуруҳдан 1 ва 2-ўрин эгалари, шунингдек, энг яхши натижа қайд этган 3та 3-ўрин жамоалари 1/16 финалга йўл олади.
ЖЧ–2025: Гуруҳлар тўлиқ таркиби
A гуруҳи: Қатар, Италия, ЖАР, Боливия
B гуруҳи: Япония, Марокаш, Янги Каледония, Португалия
C гуруҳи: Сенегал, Хорватия, Коста-Рика, БАА
D гуруҳи: Аргентина, Бельгия, Тунис, Фижи
E гуруҳи: Англия, Венесуэла, Гаити, Миср
F гуруҳи: Мексика, Корея Республикаси, Кот-д’Ивуар, Швейцария
G гуруҳи: Германия, Колумбия, КХДР, Эл-Салвадор
H гуруҳи: Бразилия, Гондурас, Индонезия, Замбия
I гуруҳи: АҚШ, Буркина-Фасо, Тожикистон, Чехия
J гуруҳи: Парагвай, Ўзбекистон, Панама, Ирландия
K гуруҳи: Франция, Чили, Канада, Уганда
L гуруҳи: Мали, Янги Зеландия, Австрия, Саудия Арабистони
Қийин, лекин имконият бор!
“J” гуруҳи рақиблари — Парагвай, Панама ва Ирландия каби жамоалар техника ва жисмоний тайёргарлик борасида анча тажрибали саналиб, Ўзбекистон учун жиддий синовга айланиши мумкин. Бироқ юртдошларимиз сўнгги U-17 мусобақаларида ўз салоҳиятини кўрсатиб улгурган.
Ўзбекистон ёшлар термаси учун бу чемпионат — катта имконият. Қийин рақиблар фонида таркибимизнинг иродаси ва маҳорат даражаси синовдан ўтади. Мусобақагача бир неча ой бор ва мураббийлар штабининг тўғри тайёргарлиги муваффақият гарови бўлади. Мухлислар эса терма жамоамизнинг дунё саҳнасидаги навбатдаги ҳаракатларини сабрсизлик билан кутмоқда.