უკრაინამ რუსეთიდან 390 ტყვე დაიბრუნა "1000-1000-ზე გაცვლის" პირველ ეტაპზე
უკრაინამ რუსეთიდან 390 ტყვე დაიბრუნა - ეს არის "1000-1000-ზე გაცვლის" პირველი ეტაპი, რომელიც მომდევნო დღეებშიც გაგრძელდება. რუსეთი და უკრაინა ტყვეების გაცვლაზე 15 მაისს სტამბოლში გამართულ მოლაპარაკებებზე შეთანხმდნენ. ინფორმაცია უკვე დაბრუნებული ტყვეების შესახებ თავად უკრაინის პრეზიდენტმა ვოლოდიმირ ზელენსკიმ გაავრცელა.
„ძალიან მნიშვნელოვანია ყველა ტყვედ მყოფი ადამიანის დაბრუნება. ჩვენ ვამოწმებთ ყველა გვარს, ინფორმაციას ყველა ადამიანის შესახებ; ჩვენ გავაგრძელებთ ჩვენს დიპლომატიურ მუშაობას, რათა ასეთი ნაბიჯები შესაძლებელი იყოს“, - წერს ზელენსკი Telegram-ზე.
ტყვეების წინა გავლა რუსეთსა და უკრაინას შორის 19 აპრილს მოხდა - მაშინ გაცვლის ფორმულა იყო "246-246-ზე" და ეს პროცესი არაბთა გაერთიანებული საამიროების შუამავლობით წარიმართა რუსეთსა და უკრაინას შორის.
უკრაინის მონაცემებით, რუსეთის სრულმასშტაბიანი შეჭრიდან მოყოლებული, ტყვეობიდან სახლში სულ 5000-მდე ადამიანი დაბრუნდა, მათ შორის არიან როგორც სამხედროები, ისე სამოქალაქო პირები.