OpenAI учун дата-марказ лойиҳасига $11,6 млрд жалб қилинди

OpenAI компанияси фойдаланадиган Техасдаги дата-марказ учун $11,6 миллиард миқдорида қарз ва акция шаклида инвестиция жалб қилинди, деб Interfax хабар берди. Бу маблағларни Crusoe стартапи ва инвестиция компанияси Blue Owl Capital тақдим этмоқда.

Қурилаётган дата-марказ дастлаб икки бинони ўз ичига олган, янги инвестициялар туфайли бинолар сони саккизтагача оширилади. Бу жаҳондаги энг йирик AI-таълим марказларидан бири бўлиши кутилмоқда.

OpenAI бош директори Сэм Олтман ушбу дата-марказни "дунёдаги энг йирик ИИ ўқув объекти" деб атаган. Қурилиш 2024 йил июнь ойида бошланган ва 2026 йилда якунланиши режалаштирилган.

Ҳар бир бинода 50 мингтагача Nvidia Blackwell чиплари ўрнатилади. Улар асосан сунъий интеллект моделларини ўргатиш учун мўлжалланган. Чипларни Oracle корпорацияси етказиб беради ва Crusoe қурган дата-марказни 15 йиллик ижара асосида фойдаланиш ҳуқуқини олади. Oracle ўз навбатида серверларни OpenAI’га ижарага беради.