АҚШ визаси ўзбекистонликлар учун енгиллаштирилиши мумкин
Президент Шавкат Мирзиёев 15 май куни “2025–2026 йилларда туризмнинг иқтисодиётдаги ўрни ва аҳамиятини ошириш чора-тадбирлари тўғрисида”ги фармонни имзолади. Унга кўра, 2025 йил октябрь–ноябрь ойларида “Марказий Осиё – Европа Иттифоқи” туризм форуми ва 2026 йил апрель ойида “Йўналиш — Қорақалпоғистон” форуми ўтказилиши режалаштирилган.
Фармонда, шунингдек, Ташқи ишлар вазирлигига АҚШ фуқаролари учун 30 кунлик визасиз режим жорий этиш ва ўзбекистонликлар учун АҚШ визо режимида енгилликлар яратиш бўйича музокаралар ўтказиш топширилган. Мазкур таклифлар 3 ой муддатда киритилиши керак.
Қўшимча равишда, Россия, Қозоғистон ва Озарбайжон фуқароларига Ўзбекистонга 30 кунгача бўлган муддатга ички ҳужжат ёки шахсни тасдиқловчи гувоҳнома (шу жумладан 16 ёшга тўлмаганлар учун “болалар паспорти”) асосида кириш имконини яратиш ҳам режалаштирилмоқда.