Chevrolet 769 км масофагача юра оладиган электр пикапни намойиш қилди

Chevrolet компанияси Silverado EV 2026 модел йили учун янги Trail Boss версиясини тақдим этди, деб iXBT хабар берди. Бу модель бездорожье шароитида ҳаракат қилиш учун мўлжалланган ва батареянинг максимал ҳажмида 769 кмгача йўл босиш имконига эга. Бу кўрсаткич олдинги версияларга нисбатан 17% га юқори.

Trail Boss 5 см га оширилган клиренс, 88,9 см (35 дюйм) бездорожье шиналари ва 45,7 см (18 дюйм) дискларига эга. GMC Hummer EV моделидаги Crab Walk технологиясига ўхшаш Sidewinder тизими ҳам ўрнатилган бўлиб, барча тўрт ғилдиракни бир йўналишда буриш имконини беради. Бу тизим Trail Boss ва RST комплектацияларида мавжуд бўлади.

Фақат Trail Boss учун Terrain режими ҳам жорий қилинган бўлиб, паст тезликда ҳаракатланишда аниқ моменти тарқатиш орқали юришни енгиллаштиради. Модель 725 от кучига ва 1051 Н·м буриш моментига эга. Юк кўтариш имкони — 952 кг, тортиш қобилияти — 5669 кг, бироқ тўлиқ юкда автономия қисқаради.

Технологик жиҳатдан Super Cruise тизими (қўлсиз бошқарув) ҳам мавжуд бўлиб, у буксирлаш режимини ҳам қўллаб-қувватлайди. Silverado EV’нинг базавий нархи $54 895 га туширилди (олдинги нарх — $57 095). Work Truck комплектацияси 45 см (17,7 дюйм) сенсорли экран ва 27,9 см (11 дюйм) асбоблар панелидан иборат.

Trail Boss версиясининг нархи узоқ масофали вариант учун $72 095, максимал комплектация учун эса $88 695 этиб белгиланган. Модель Ford F-150 Lightning ва Tesla Cybertruck’га рақобат сифатида кўрилмоқда.