Доллар тушди, евро пасайди, рубль кучайди — янги курслар эълон қилинди

Ўзбекистон Республикаси Марказий банки 23 майдан бошлаб амал қиладиган янги валюта курсларини жамоатчиликка тақдим этди. Эълон қилинган расмий маълумотларга кўра, ўзбек сўми долларнинг қийматига нисбатан бироз мустаҳкамланди, евро ҳам арзонлашди, аммо рубль бугунги кун учун ўсиш қайд этган ягона валюта бўлди.

- АҚШ доллари — 33,42 сўмга арзонлашиб, 12 904,51 сўм этиб белгиланди.

- Евро — 89,50 сўмга тушиб, 14 575,64 сўмни ташкил этди.

- Россия рубли — 0,89 сўмга кўтарилиб, 161,99 сўм бўлди.

Эслатиб ўтамиз, бир неча кун олдин доллар 45,02 сўмга қимматлашиб, 12 937,93 сўмга етган, евро ва рубль курслари ҳам сезиларли даражада ошган эди.

Марказий банк маълумотларига кўра, 2024 йил бошидан буён миллий валюта — сўм АҚШ долларига нисбатан тахминан 4,7 фоизга қадрсизланган. Солиштириш учун, 2023 йилда сўм 9,7 фоизга, 2022 йилда эса 3,94 фоизга заифлашган.

Экспертлар фикрича, валюта курсларидаги бундай ўзгаришлар ташқи бозорлардаги динамикага, инфляция даражасига ва мамлакат ташқи савдо балансларига боғлиқ бўлиши мумкин. Шу боис, валюта бозоридаги вазиятни диққат билан кузатиш тавсия этилади.

Zamin.uz таҳририяти бугунги ва кейинги кунлардаги курс ўзгаришларини сиз азиз ўқувчиларга тезкор ва ишончли етказишда давом этади.