“Манчестер Сити” финал олдидан қайси таркибни танлайди?

Бугун футбол ишқибозларини Англия кубогининг сўнгги ва энг муҳим баҳси — “Манчестер Сити” ва “Кристал Пэлас” ўртасидаги тўқнашув кутмоқда. Беллашув соат 20:30да старт олади. Мазкур учрашув олдидан бир қатор етакчи спорт нашрлари “шаҳарликлар”нинг эҳтимолий асосий таркибини эълон қилди.

Машҳур “90MIN” порталига кўра, Пеп Гвардиоланинг катта финал учун танлови қуйидагича бўлиши мумкин:

Эдерсон, Льюис, Диаш, Гвардиол, Аканжи, Де Брюйне, Силва, Ковачич, Фоден, Доку, Холанд.

Sports Mole нашрининг тахминий таркибида айрим ўзгаришлар мавжуд. Уларга кўра, финалда “Сити” қуйидаги футболчилар билан майдонга тушиши мумкин:

Эдерсон, Льюис, Диаш, Гвардиол, Аканжи, Де Брюйне, Силва, Ковачич, Мармуш, Доку, Холанд.

Статистикага асосланган WhoScored портали эса таркибда яна бошқача номларни келтирди:

Эдерсон, Льюис, Диаш, Гвардиол, Аканжи, Де Брюйне, Силва, Ковачич, Савиньо, Доку, Холанд.

MCFC Matchdays эълон қилган версияда эса:

Эдерсон, Гвардиол, Диаш, О’Рейлли, Нунес, Ковачич, Бернарду Силва, Де Брюйне, Фоден, Мармуш, Холанд номзод сифатида кўрсатилган.

Бу таркибда "Сити" жамоасининг одатий схемасига қиёсланганда бир қатор янгиликлар кўзга ташланади. Хусусан, О’Рейлли, Мармуш ва Нунеснинг иштироки финал учун кутилмаган деб баҳоланмоқда. Бу эса Гвардиола финалда тактик экспериментларга тайёр эканини англатиши мумкин.

Zamin.uz таҳририятидан:
Финал олдидан турли манбаларда келтирилган турлича таркиблар “Сити”да рақобат қанчалик юқори даражада эканини яна бир бор кўрсатмоқда. Ҳақиқий асосий таркиб эса соат 20:30да эълон қилинади. Сиз қайси вариантни тўғри деб ҳисоблайсиз? Холанд бу финалда ҳам гол урадими?