"Насаф" етакчиси “Пахтакор”га қарши ўйинда нега майдонга тушмади?
Бироқ ушбу ўйинда "Насаф"нинг асосий футболчиларидан бири, миллий терма жамоа аъзоси Шерзод Насруллаевнинг ўйин қайдномасидан ҳам ўрин олмагани кўпчиликни ажаблантирди ва хавотирга солди.
40 даража иситма: шошилинч даволаниш зарур бўлди
"Championat.asia" сайти футболчининг ҳолати билан қизиқди ва ишончли манбалардан маълум бўлишича, чап қанот ҳимоячисининг тана ҳарорати ўйин арафасида 40 даражагача кўтарилган. Табиийки, бу ҳолатда унинг майдонга тушиши нафақат самарасиз, балки хавфли бўлиши мумкин эди. Шу боис мураббийлар штаби уни қайдномадан чиқариб ташлашга қарор қилди.
Айни вақтда Шерзод Насруллаев ўз уйида тиббий назоратда бўлиб, аҳволи барқарорлашмоқда. Агар барчаси режадагидай кетса, футболчи катта эҳтимол билан июнь ойидаги миллий терма жамоа йиғинлари ва ЖЧ–2026 саралаш баҳсларигача сафга қайтиши мумкин.
Олдиндаги муҳим учрашувлар
Ўзбекистон миллий терма жамоасини Жаҳон чемпионати–2026 саралаш босқичи доирасида жуда муҳим икки беллашув кутиб турибди. 5 июнь куни термамиз БААга қарши сафарда, 10 июнь куни эса Қатарга қарши Тошкентда майдонга тушади.
Бу ўйинларда бош мураббий Темур Кападзе учун ҳимоя чизиғидаги барқарорлик ва тажриба катта аҳамиятга эга бўлади. Шерзод Насруллаевнинг сафга қайтиши эса жамоа учун жиддий куч бўлиши мумкин.
Zamin.uz таҳририяти футболчимизга тезроқ соғайишни, миллий жамоамизга эса муваффақият тилайди. Сиз Насруллаевнинг миллий жамоадаги ролини қандай баҳолайсиз?