Қазақстанда нөсер жауып, күн күрт суытады
Синоптиктер 17, 18 және 19 мамырға арналған ауа райы болжамын жасады, - деп хабарлайды Tengrinews.kz тілшісі.
Атмосфералық фронттардың өтуіне байланысты Қазақстан бойынша жаңбыр, найзағай, бұршақ, екпінді жел, дауыл күтіледі. Тек 17-18 мамырда Батыс Қазақстан, 17 мамырда Қарағанды, Абай, Шығыс Қазақстан облыстарында жауын-шашынсыз ауа райы күтіледі.
Жаңбыр және бұршақ жаууы мүмкін:
17 мамыр - Маңғыстау және Қызылорда облыстарында;17-18 мамыр - Ақтөбе, Қостанай, Ақмола және Солтүстік Қазақстан облыстарында;18 мамыр - Ұлытау және Түркістан облыстарында;18-19 мамыр - Павлодар, Қарағанды, Алматы және Жетісу облыстарында;19 мамыр - Батыс Қазақстан, Шығыс Қазақстан, Абай және Жамбыл облыстарында.
Қазақстанның оңтүстігі мен оңтүстік-шығысында құмды дауыл күтіледі. Солтүстік және батыс өңірлерде 17-18 мамыр таңғы уақытта тұман түсуі мүмкін.Қазақстандағы температуралық жағдай:
елдің батысында күндіз +23…+32°С;солтүстік-батыста түнде +7…+15-тен +3…+10°С-қа дейін төмендейді, күндіз +15…+22-ден +18…+28°С-қа дейін көтеріледі;елдің солтүстігінде түнде +15…+20-дан +5…+10°С-қа дейін төмендейді, күндіз +26…+31, солтүстік аудандарда +16…+21-ден +10…+15°С-қа дейін, 19 мамырдан бастап +17…+25°С-қа дейін көтеріледі;орталықта түнде +15…+22-ден +5…+13°С-қа дейін төмендейді, 17 мамырда күндіз қатты ыстық +32…+37°С, өңірдің оңтүстігінде аптап ыстық +40°С, 18 мамырдан бастап күрт төмендеп +15…+20°С болады;шығыста түнде +15…+22°С, 17-18 мамырда күндіз қатты ыстық +32…+37°С, өңірдің оңтүстігінде аптап ыстық +40°С, 19 мамырда күрт төмендеп +13…+18°С болады;оңтүстікте түнде +18…+23-тен +10…+15°С-қа дейін төмендейді, 17 мамырда күндіз қатты ыстық +35…+43°С, 18 мамырдан бастап +20…+28°С болады;оңтүстік-шығыста 17 мамырда күндіз қатты ыстық +32…+37°С, өңірдің оңтүстігінде аптап ыстық +40°С, 18 мамырдан бастап +20…+25°С-қа дейін төмендейді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!