15 мамыр — отбасы күні мерекесі
15 мамыр — отбасы күні мерекесі. Отбасы күні біздің қоғамымызда руханилықты, өнегелілікті нығайтуға, ерлі-зайыптылар жауапкершілігінің маңыздылығының арттыруына ықпал етеді.
Отанға деген сүйіспеншілік отбасынан басталады. Туған шаңырақтан алған тәрбие — барша халқымыздың табысты болашағының кепілі.
Отбасы – қасиетті ұғым, қастерлі құндылық. Адам баласына берілетін тәрбиенің ең негізі осы отбасында қалыптасады. Бұл талайды қанаттандырған алтын бесік болған киелі шаңырақ.
«Отан – қуат, отбасы – шуақ» дегендей, жанұя – мемлекеттің тірегі. Қоғамдағы әр отбасының босағасы берік, мерейі үстем болса, мемлекетіміз мықты болмақ.
Отбасының қалыптасуы, қоғамның қалыптасуына тікелей байланысты. Отбасындағы ұл-қыздарыңыз әке мен ана еңбегін биіктен көрсетер тұлға болып қалыптасып, тәуелсіз еліміздің өркендеуіне адал қызмет атқаратынына сенімділік білдіреміз.
Мерейлі мереке қарсаңында баршаңыздың отбасыларыңызға амандық, дендеріңізге саулық, ұрпақтарыңызға бақ-береке, елімізге тыныштық тілейміз!
Мереке құтты болсын!
Сообщение 15 мамыр — отбасы күні мерекесі появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.