– Siste Oasis-sjanse
Oasis-turneen i sommar blir siste sjansen til å sjå bandet. Det slår manager Alec McKinlay fast.
Han stadfestar overfor Music Week at den komande turneen «Live '25» blir ei éingongsførestilling utan nye utgjevingar.
– Dette er i høgste grad siste gong, noko Noel har gjort klart i pressa, seier McKinlay.
– Det er ei sjanse for fans som aldri har sett bandet live.
Brørne Liam og Noel Gallagher står saman på scena for første gong sidan 2009, når turneen startar 4. juli i Cardiff i Wales.
Interessa har vore enorm: Over 10 millionar fans frå 158 land prøvde å sikre seg billettar då salet opna i fjor sommar.