Тошкентда ОТМга 3-босқичдан киритмоқчи бўлган шахс қўлга олинди
Бош прокуратура ҳузуридаги Департаментнинг Сергели тумани бўлими, ДХХ ва ИИВ ходимлари ҳамкорлигида тезкор тадбир ўтказилган.
Унда фуқаро С.Э. фуқаро А.А.нинг ишончига кириб, танишлари ёрдамида гўёки қўшни Қозоғистон Республикаси олий таълим муассасасининг 2 босқичини тугатганлиги тўғрисида ҳужжат расмийлаштириб бериш орқали Тошкент шаҳридаги нодавлат олий таълим муассасаларидан бирига тиббиёт йўналишига 3 курсдан ўқишга киритиб қўйиши эвазига 48 млн сўм пул бериши кераклигини айтиб, ушбу пуллар ҳисобидан 1 000 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.