Սեֆիլյանի հարցաքննությունը նախաձեռնվել է Սամվել Բաբայանի հայտարարության հիման վրա. խոսնակ
«Հոկտեմբերի 27»-ից անջատված գործի շրջանակում այսօր Քննչական կոմիտեում հարցաքննվել է «Ազգային ժողովրդավարական բևեռի» խորհրդի անդամ Ժիրայր Սեֆիլյանը: Տեղեկությունը «Լուրերի» հետ զրույցում հաստատել է Քննչական կոմիտեի մամուլի խոսնակը՝ չմանրամասնելով, թե ինչ կարգավիճակով ու ինչ հանգամանքների շուրջ է Սեֆիլյանը կանչվել հարցաքննության:
Սեֆիլյանի կուսակցության մամուլի խոսնակը տեղեկացրել է, որ հարցաքննությունը նախաձեռնվել էր Սամվել Բաբայանի հայտարարության հիման վրա: Այս տարվա սկզբին տված հարցազրույցներից մեկում Սամվել Բաբայանը կրկին վերահաստատել էր, որ հոկտեմբերի 27-ին Ժիրայր Սեֆիլյանը զանգահարել է իրեն:
The post Սեֆիլյանի հարցաքննությունը նախաձեռնվել է Սամվել Բաբայանի հայտարարության հիման վրա. խոսնակ first appeared on MediaLab Newsroom-Laboratory.