Ўзбекистонда пенсияга чиқиш жараёни соддалаштирилди
Меҳнат стажини my.gov.uz портали орқали текшириш мумкин. Агар сиз ҳозирда ишлаётган бўлсангиз, иш берувчингиздан аввалги иш фаолиятингиз рақамлаштирилганлигини сўранг. Агар иш берувчи ташкилот тугатилган бўлса, меҳнат стажини тасдиқлаш учун туман бандликка кўмаклашиш марказига мурожаат қилинг.
Ишсиз фуқаролар меҳнат стажини рақамлаштириш учун бандликка кўмаклашиш марказига бепул мурожаат қилишлари мумкин. Барча шартлар бажарилганда, пенсия тайинлашда муаммолар юзага келмайди.