Slik vert 8. mai-markeringa
8. mai 2025 er det 80 år sidan frigjeringa av Noreg frå tysk okkupasjon.
Hovudmarkeringa vert på Akershus festning i Oslo.
Der byrjar dagen med flaggheising klokka 8. Deretter vert det fleire kransenedleggingar to stader på festninga ved forsvarsminister Tore O. Sandvik og stortingspresident Masud Gharahkhani.
Klokka 12 kan ein høyra salutten frå festninga. Då vert det fyrt av 21 skot.
Det vert òg ein seremoni på Festningsplassen klokka 15. Då skal kampfly fly i formasjon på himmelen og Stabsmusikken skal spilla nasjonalsongen. Der skal òg statsminister Jonas Gahr Støre (Ap) halda tale.
Klokka 18 skal kong Harald halda ei tale i Ullensaker.