Ақтауда жаңа қоқыс контейнерлері жер астына түсіп кетті
Ақтауда жаңа жерасты қоқыс контейнерлері жер астына түсіп кетті, - деп хабарлайды Tengrinews.kz тілшісі Lada.kz-ке сілтеме жасап.
Оқиға "Рахат-2" тұрғын үй кешені маңында, 19-шағынауданда болған. Тұрғындардың айтуынша, жауын-шашын көп жаууына байланысты топырақ шайылып, жаңа жерасты қоқыс жәшіктері жер астына түсіп кеткен.
Ақтау әкімдігінің баспасөз қызметі өкілі бұл мәселемен ТКШ бөлімі айналысып жатқанын мәлімдеді. Ал жауапты ведомство мердігерге бәрін бастапқы күйіне келтіруді тапсырған.
Оқиға орнында қоршаулар орнатылған. Шенділердің сөзінше, қалпына келтіру жұмыстары ауа райы тұрақталғаннан кейін жүргізіледі.
Қалалық әкімшілік өкілдері мердігер ұйымның атын атамады. Бұл жұмыстарға бөлінген сома да әлі белгісіз.
Сілтемесіз жаңалық оқисыз ба? Онда Telegram желісінде парақшамызға тіркеліңіз!