Аустралиядағы Гриффит университетінің ғалымдары бактериялардың мұрын тіндерінің зақымдануы арқылы миға еніп, Альцгеймер ауруына тән процестерді қалай іске қосатынын анықтады. Зерттеу Scientific Reports журналында жарияланды, - деп хабарлайды Tengri Life Газета.Ru-ға сілтеме жасап.
Тышқандарға жүргізілген эксперименттер барысында ғалымдар Chlamydia pneumoniae бактериясының пневмония тудыруы мүмкін екенін және оның миға иіс сезу жүйкесі арқылы енетінін анықтады. Бұл процесс мұрын қуысының тіндері зақымданғанда күшейе түседі.
Инфекцияға жауап ретінде тышқандарды миында Альцгеймер ауруына тән амилоид-бета ақуыздары жинала бастаған. Зерттеу жануарларға жүргізілсе де, оның нәтижелері адамдар үшін қауіпті болуы мүмкін деген алаңдаушылық тудырады.
"Chlamydia pneumoniae бактериясының мұрын қуысы арқылы тікелей миға еніп, Альцгеймер ауруының белгілеріне ұқсас патологиялық өзгерістер тудыруы мүмкін екенін алғаш рет дәлелдедік", – деді зерттеу авторларының бірі доктор Джеймс Сент-Джон.
Ғалымдар адамдарға мұрынды шұқымауды және мұрын түктерін жұлып алмауды ұсынады, өйткені бұл әдеттер мұрынның қорғаныс тіндерін зақымдауы мүмкін.
Олардың пікірінше, бұл жаңалық бактериялар мен вирустардың нейродегенеративті аурулардың дамуындағы рөлін зерттеудің маңыздылығын көрсетеді. Әрбір қадам адамзатты Альцгеймер сияқты күрделі ауруларды түсінуге және алдын алуға жақындатады.
