Гүлмира Сатыбалды апелляциялық шағым түсірді - сот не шешті?
Гүлмира Сатыбалды ісі бойынша апелляциялық сот шешім шығарды, - деп хабарлайды Tengrinews.kz тілшісі. Ақпаратты Алматы қалалық сотының баспасөз қызметі растады.
"Іс апелляциялық сотта қаралды. Бірінші сатыдағы сот үкімі өзгеріссіз қалдырылды. Сот шешімі заңды күшіне енді", – деп мәлімдеді Алматы қалалық сотының баспасөз қызметі.
Осылайша, сот үкіміне сәйкес, Гүлмира Сатыбалды 12 жылын колонияда өтейді.
Еске салайық, Гүлмира Сатыбалдыға қатысты үкім 2024 жылғы тамыздың аяғында шығарылған еді. Ол бопсалау, адамды бас бостандығынан айыру және өзінше билік ету баптары бойынша айыпталған. Гүлмира Сатыбалдыға орташа қауіпсіздік мекемесінде 12 жыл бас бостандығынан айыру жазасы және мүлкін тәркілеу жазасы тағайындалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!