"Реал" Мадрид ҳам Абдуқодир Ҳусанов учун курашга қўшилди!
"Қаймоқранглилар" марказий ҳимояни кучайтириш мақсадида бир неча вариантларни кузатиб бормоқда. Бу ҳақда "Todofichajes" нашри хабар берди.
Айни вақтда Карло Анчелотти жамоаси учун мудофаада кучли хислатларга эга бўлган ҳимоячи жуда ҳам муҳим ҳисобланади. Шу сабабли клуб скаутлари трансфер бозорида клуб учун муносиб футболчини топишга ҳаракат қилишмоқда.
Абдуқодир Ҳусановнинг тахминий трансфер нархи 20 миллион еврони ташкил этиши мумкин. Ўзбекистон миллий терма жамоаси ҳимоячисига ПСЖ ҳам харидор саналади. Бироқ асосий рақобат "Реал" ва "Манчестер Сити" ўртасида бўлиб ўтиши кутилмоқда.
Маълумот учун, Абдуқодир Ҳусановнинг айни пайтдаги трансфер қийимати 12 миллион еврони ташкил қилади.