WBA рейтинги янгиланди: ўзбек боксчилари нечанчи ўринда қайд этилди?
Ушбу рейтингдан 6 нафар ўзбекистонлик боксчи ўрин олган бўлиб, Муроджон Аҳмадалиев вақтинчалик чемпион сифатида қайд этилган. Шаҳрам Ғиёсов ва Ҳасанбой Дўстматов ўз вазн тоифаларида биринчи ўринни эгаллаб турибди.
Рейтингдан қуйидаги ўзбек боксчилари ўрин олган:
- Ҳасанбой Дўстматов (минимал вазн) — 1-ўрин (ўтган ойда ҳам 1-ўрин);
- Муроджон Аҳмадалиев (биринчи ярим енгил вазн) — вақтинчалик чемпион;
- Отабек Холматов (ярим енгил вазн) — ўтган ойдаги сингари 4-ўрин;
- Шаҳрам Ғиёсов (ярим ўрта вазн) — ўтган ойдаги сингари 1-ўрин;
- Исроил Мадримов (супер ярим ўрта вазн) — 4-ўрин (ўтган ойда ҳам 4-ўринда эди);
- Бектемир Мелиқўзиев (супер ўрта вазн) — 3-ўрин (ўтган ой ҳам 3-ўринда эди).
Маълумот учун, Муроджон Аҳмадалиев 14 декабрь куни тунда Монте-Карлода ташкил этилган профессионал бокс оқшомида мексикалик Рикардо Эспинозани 3-раунддаёқ нокаутга учратиб, вақтинчалик WBA чемпионига айланган эди.