“Türkmenportal” “Spot.uz” neşirine salgylanyp, Özbegistanyň Türkmenistandan gelýän ýük ulaglarynyň giriş töleglerini ýokarlandyrandygyny habar berýär.
Özbegistanyň 2025-nji ýyl üçin döwlet býujeti baradaky kanuna laýyklykda, hökümet respublikanyň çägine daşary ýurt ýük ulaglarynyň girmegi üçin bellenen töleg nyrhlaryny täzeden gözden geçirdi diýip, habarda aýdylýar.
Türkmenistanda hasaba alnan ýük ulaglary üçin indi, ýük göterijiligine baglylykda, täze nyrhlar kesgitlenip, 10 tonna çenli bolsa, öňki $50 töleg ýerine $130,10-dan 20 tonna çenli bolsa, öňki $100 ýerine $180, 20 tonnadan ýokary bolsa, öňki $150 ýerine $250 töleg tölemek soralar.
Beýleki ýurtlardan gelen ulaglar üçin soralýan nyrhlaryň öňküligine galýandygy, ýagny Owganystandan gelen ulaglaryň $50, Täjigistandan gelen ulaglaryň, ýük göterijiligine baglylykda, $100-200, Gazagystandan we Gyrgyzystandan gelen ulaglaryň $300, beýleki ýurtlaryň ulaglarynyň $400 töleg tölejekdigi aýdylýar.
“Türkmenportalyň” bellemegine görä, 2024-nji ýylyň oktýabr aýynda Özbegistanyň we Türkmenistanyň ulag edaralary ulag hyzmatlary üçin soralýan tölegleri deň we aç-açan esasda almak ylalaşygyny gazandylar.
Şeýle-de, 2025-nji ýyldan başlap iki ýurduň milli daşaýjylary üçin kesgitlenen tölegleriň deňleşdiriljekdigi aýdylýar.
