Жаңа жылда Астана мен Алматыда ауа райы қандай болады?

Қазгидромет мамандары Астана мен Алматыда мереке күндері ауа райы қандай болатынын айтты, - деп хабарлайды Tengrinews.kz тілшісі.
31 желтоқсан
Қазгидромет редакцияның сауалына берген жауабында 31 желтоқсанда Алматыда бұлтты ауа райы, кейде жауын-шашын (жаңбыр аралас қар) күтілетінін мәлімдеді. Жел оңтүстік-батыстан соғады, жылдамдығы 2-7 м/с. Түнде ауа температурасы 1-3 градус аяз, күндіз 2-4 градус жылы болады.
Астанада ауыспалы бұлтты ауа райы, кейде аздаған қар, тұман күтіледі. Жел оңтүстік-шығыстан оңтүстік-батысқа ауысып, жылдамдығы 3-8 м/с болады. Түнде ауа температурасы 11-13 градус аяз, күндіз 6-8 градус суық болады.

"Бірақ, жауын-шашын айтарлықтай болмайды, жаңбыр аралас қар қалыпты қарға ауысады," - деп хабарлады Қазгидрометтің алматылық филиалы.

1 қаңтар
Алматыда ауыспалы бұлтты ауа райы, түнде қар жауады. Күндіз жолдарда көктайғақ болады. Жел оңтүстік-батыстан 2-7 м/с жылдамдықпен соғады. Түнде ауа температурасы 3-5 градус аяз, күндіз 1-3 градус жылы болады.
Астанада бұлтты ауа райы, күндіз қар жауады және боран болуы мүмкін. Жел оңтүстік-батыстан 9-14 м/с, күндіз екпіні 15-20 м/с. Түнде ауа температурасы 8-10 градус аяз, күндіз 4-6 градус суық болады.
2 қаңтар
Алматыда бұлтты ауа райы және қар жауады. Түнде және таңертең тұман түседі, жолдарда көктайғақ болады. Жел оңтүстік-батыстан соғады. Түнде температура 4-6 градус аяз, күндіз 0-2 градус жылы болады.
Астанада ауыспалы бұлтты ауа райы, кейде қар жауып, боран болуы мүмкін. Жел оңтүстік-батыстан 9-14 м/с, екпіні 15-20 м/с. Түнде ауа температурасы 4-6 градус суық, күндіз 2-4 градус аяз болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!