Globe Soccer Awards-2024: Винисиус йилнинг энг яхши футболчиси деб топилди

^{Фото: Getty Images}
Дубайда 27 декабрь куни Globe Soccer Awards-2024 тақдирлаш маросими бўлиб ўтди. Унда “Реал Мадрид” ва Бразилия терма жамоаси ҳужумчиси Винисиус Жуниор йилнинг энг яхши футболчиси деб топилди.

Винисиусдан бошқа совринга бир қатор футболчилар даъвогарлик қилганди. Жумладан:

Жуд Беллингҳем (“Реал”), Антуан Гризманн (“Атлетико”), Виктор Докереш (“Спортинг”), Эрлинг Ҳоланд (“Манчестер Сити»), Ҳарри Кейн (“Бавария”), Тони Кроос (“Реал”), Роберт Левандовски (“Барселона”), Адемола Лукман (“Аталанта”), Лаутаро Мартинес (“Интер”), Килиан Мбаппе (“Реал”), Лионель Месси (“Интер Майами”), Коул Палмер (“Челси”), Родри (“Манчестер Сити”), Криштиану Роналду (“Ан-Наср”), Муҳаммад Салоҳ (“Ливерпуль”), Ламин Ямал (“Барселона”).

“Барселона” ва Испания миллий жамоаси вингери Ламин Ямал эса маросимда “Йилнинг энг яхши ёш ўйинчиси” деб топилди.

^{Фото: Getty Images}
Ламиндан ташқари, бу соврин учун Пау Кубарси (Испания миллий жамоаси, “Барселона”), Алехандро Гарначо (Аргентина миллий жамоаси, “Манчестер Юнайтед»), Арда Гюлер (Туркия миллий жамоаси, “Реал”), Кобби Майну (Англия миллий жамоаси, “Манчестер Юнайтед”), Савио Moreйра (Бразилия миллий жамоаси, “Манчестер Сити”) ва Кенан Йилдиз (Туркия терма жамоаси, “Ювентус”) даъвогарлик қилганди.

Шунингдек, Жуд Беллингем йилнинг энг яхши ярим ҳимоячи ва энг яхши таланти деб топилди.

^{Фото: Getty Images}
Йилнинг энг яхши мураббийи дея Карло Анчелотти (“Реал Мадрид”) топилди. Йилнинг энг яхши клуби дея “Реал Мадрид” тақдирланди.

Яқин Шарқнинг энг яхши футболчиси номинациясида эса Криштиану Роналду тенгсиз деб эълон қилинди.

^{Фото: Getty Images}
“Ан-Насср” форварди Риёд Маҳрез (“Ал-Аҳли”), Сергей Милинкович-Савич (“Ал-Ҳилол”) ва Салим Ад-Досари (“Ал-Ҳилол”) сингари ўйинчиларни ортда қолдирди.