Аббосбек Файзуллаев — Ўзбекистон ва Россиянинг энг ёрқин футболчиларидан. 21 ёшли ҳужумкор футболчи ёш бўлишига қарамай, бугунги кунда ЦСКА ва Ўзбекистон миллий терма жамоаси етакчиси ҳисобланади.
2024 йилда легионеримиз Осиёнинг энг яхши ёш футболчиси, Ўзбекистонда йилнинг энг яхши футболчиси сингари индивидуал совринларни қўлга киритди.
Аббосбек Файзуллаев журналистларнинг саволларига жавоб қайтариб, интервью
берди.
1-Қисм: Аббосбек Файзуллаев: Холанднинг кўзойнагидан ҳам олдим, машғулотларга боргим келмай қолди...
Давоми:— Яқинда оммавий ахборот воситалари “Монако” сени олишни жуда хоҳлаётгани ҳақида ёзди. Ўзингга у ердан уй топиб улгурдингми?— Ха-ха, йўқ. Бу хабар чиқиши билан Тамерлан Мусаев ва Игорь Дивеев ҳазил-ҳузул қилишни бошлади, ота-онам барча қариндош-уруғларимиз уларни табриклай бошлашганини айтди. Мен уларни ҳаммасини тинчлантирдим, бу хабарни интернетдан билдим, “Монако”дан қизиқиш бўлаётгани ҳақида аниқ маълумот менда йўқ.
— Кейинги пайтда сени Европага кўп “жўнатишяпти”. “Бавария”, “Вильярреал”, “Реал Сосьедад”, “Жирона”, “Парма” ҳақида гап чиқди. Бунақа нарсалар босим ўтказмайдими?— Бунга хотиржам муносабат билдираман. Бунақа клублардан қизиқиш бўлиши ёқимли албатта, демак, ҳаммасини тўғри қилаётганимдан далолат беради. Бироқ бу ҳақда кўп ўйласанг, ўйин сифати аниқ тушиб кетади.
Ўзимнинг агентларимга ҳам “Мавсум давом этар экан, менга бошқа клублар қизиқиши ҳақида гапирманг”, деб тайинлаганман. Шунинг учун, ўзим ҳам бу ҳақида сўрамайман, улар ҳам айтмайди.
Ҳозир мен ЦСКА ўйинчисиман, ҳамма нарса қониқтиряпти, нима бўлишини кейин билиб оламиз.
— Ўзинг Европага кетишни истайсанми?— Албатта. Мақсадим ҳам шу. Лекин ҳамма нарсанинг ўз вақти бор. Ҳозиргача Европанинг бирор клуби менинг трансферим бўйича ЦСКАга расмий таклиф юборган ҳолат бўлгани йўқ. Ҳаммаси суҳбатлар даражасида бўлган.
— Ўзинг қаерда ўйнашни хоҳлайсан?— Испанияда. Худо берса, “Барселона”да. Лекин Европадаги фаолиятимни ўртамиёна клубда бошлашга ҳам тайёрман.
— Ўзингни қанчага баҳолайсан?— Трансфермарктда трансфер нархим 8 миллион евро эканини кўрдим.
— ЦСКА сенинг трансферинг учун қанча талаб қилади деб ўйлайсан?— Билмадим. Бунақа саволларга жавоб беришни истамайман. ЦСКА менга ишонч билдирди, имконият берди. Бу клубни яхши кўраман, ҳурмат қиламан. Таклиф ЦСКАни қониқтирсагина кетаман.
Давоми бор...
