د مومندو بایزو سیمې اوسیدنکو د ناامنۍ له کبله خپلې مېنې پریښې دي
دغو مشرانو د ډیسمبر۲۲مه د ازادي راډیو مشال څانګې سره په خبرو کې ویلي، سیمه ته یې د پاکستاني طالبانو د تحریک غړي ورغلي، او خلک اړ شوي چې له سیمې ګډې بار کړي.
د دغو مشرانو په خبره، "د سیمې خلک یو ځل بیا کډوالیږي او د خپل راتلونکي په اړه ډیر ناهیلي دي ".
د خیبرپښتونخو د مومندو په بایزو کې له وړاندې په ۲۰۱۰ او ۲۰۱۲ کلونو کې پوځي عملیات ترسره شوي وو، چې له کبله یې هغهمال ډیر خلک نور سیمو ته کډوال شوي وو.
د خیبرپښتونخوا د مومندو ضلعه چې نژدې پنځه لکه خلک په کې ژوند کوي، د افغانستان د ننګرهار ولایت له لالپورې، ګوشتې او مومند ولسوالیو سره نژدې پرته ده چې دواړو خواوو ته په کې مومندانان اوسیږي.
پخوا د دې سیمو ترمنځ تګ لاتګ ډیر عام وو، خو له ۲۰۱۶ کال راهیسې پاکستان د دغو سیمو ترمنځ د تګ راتګ لپاره ویزه او پاسپورت درلودل لازمي کړي دی.