ევროკავშირი თებერვალში რუსეთს სანქციების ახალ, რიგით მე-16 პაკეტს დაუწესებს
პაკეტით გათვალისწინებულია სადამსჯელო ზომები რუსეთის ეკონომიკის კონკრეტული სექტორებისთვის, რომლებსაც დღემდე სანქციები არ შეხებია, ან არასაკმარისად შეეხო - წერს „გერმანული ტალღა.“
დაგეგმილია ასევე იმ პირებისა და ორგანიზაციების წინააღმდეგ ზომები - შეზღუდვები, რომლებიც „რუსეთის რეჟიმის პროპაგანდისტებად ითვლებიან და პასუხისმგებლობა ეკისრებათ უკრაინის ტერიტორიული მთლიანობის წინააღმდეგ ქმედებისთვის“.
Welt-ის მონაცემებით, ევროკომისიას და ევროპის საგარეო ურთიერთობათა სამსახურს დაგეგმილი აქვს მოგზაურობის შეზღუდვა იმ პირებისთვის, და მათი აქტივების გაყინვა, რომლებიც რუსეთის სასარგებლოდ ჯაშუშობასთან აქვთ კავშირი, არ დეზინფორმაციის კამპანიაში არიან ჩართული.
საბოლოოდ არ არის გადაწყვეტილი, შეიტანენ თუ არა ამ შეზღუდვებს ახალ პაკეტში, რადგან, როგორც ცნობაში წერია, რთულია ჰიბრიდულ თავდასხმებში მონაწილეობის დამტკიცება.
16 დეკემბერს გავრცელდა ინფორმაცია, რომ რუსეთს ევროკავშირმა სანქციების მე-15 პაკეტი დაუწესა. ის შეეხო 54 პირს და 32 ორგანიზაციას სხვადასხვა ქვეყნებში.